BSAC Struggling For Knowledge And Unity 
کتاب:Earth and Ashes
“You know, father, sorrow can turn into water and spill from your eyes, or it can sharpen your tongue into sword or it can become a time bomb that one day will destroy you”
نبشتہ کار: عتیق رحیمی
چمشانک: ھاجرہ بلوچ
“ابّا! تو زان ئے، اے ڈُکّ آپ بنت ءُ چہ تئی چمّاں شَلاں، یا تئی زبان ءَ چو کنجر ءَ تیز کناں، یا اے ھما شورہ بنت کہ روچے ترا اوں سوچ اَنت.”
رھیمی ءَ اے 50 تاک ءِ گِدار یک جوانیں رنگے ءَ نِبشتہ کُتگ۔ رھیمی ءَ اے کسانیں گِدار ءِ توک ءَ اوگانستان(افغانستان) ءِ مردمانی بزّگی ءُ لاچاری یک بےدروریں رنگے ءَ پیش داشتگ، اے ھمے وھد بیت وھدیکہ کبزہ گیر ایں سوویت اوگانستان ءِ سر ءَ کبزہ کنت۔ چہ اے کتاب ءِ وانگ ءَ مارا ھمے سَرپدی رَسیت کہ ایردست چون یک سَرڈگارے زیردست کَنت ءُ چون ھمودے جَھمنِنداں یکّے دومی ءِ ھلاپ کَنت۔ انچوشکہ مارا وتی چاگِرد ءِ توک ءَ گِندگ ءَ کیت۔
بِندات ءَ اِے گدار پارسی زبان ءَ نِبشتہ بوتگءُ سال 2000 ءَ چاپ ءُ شنگ کنگ بوتگ۔ پد ءَ سال 2003 ءَاِردگ ایم گوکنار نامی مردے ءَ اے گدار انگریزی ءَ رجانک کتگ (Earth and Ashes)۔
عطیق رحیمی افغانستان ءِ نبشتہ کارانی توک ءَ یک شوکیں نبشتہ کارے۔ آ 7 پروری 1962 ءَ اوگانستانءِ شَھر کابُل ءَ یک انچیں کھولے ءَ ودی بیت کہ آ گوں کلاسیکل پارسی لبزانک ءَ بندوک بنت۔ھمے پیم ءَ رھیمی ءِ توک ءَ ھم لبزانک ءِ شوک ردوم زور ایت۔ آ 12 سال ءِ امُبر ءَ لَچّہ کاری ءَ بِنا کنت۔
رھیمی فرنچ اوگان ہائی اسکول استقلال قابل ءَ وانگ ءَ بیت وَھدے سویت اوگانستان ءَ 25 دَسَمبر 1979 ءَ کبزہ کنت۔ گُڑا رھیمی وتی کماش ءِ ھمراھی ءَ کابُل ءِ دمگ ءَ گَرد ایت ءُ زَھرشانی کنت۔ ھمے سوب ءَ نوک جوڑ بوتگیں ریاست ءَ رھیمی ءَ را داں 19 روچ ءَ زِندان ءَ بَند کُت۔ آ وھدیکہ چہ زِِِندان ءَ آجو بوت گُڑا اوگانستان ئِے یل کُت ءُ کَمیں روچ ءِ واستا پاکستان ءَ جلّ اِت ءُ پدا 1985 ءَ پرانس ءِ باھوٹ بوت۔ ءُ دیم ءِ وانگ پرانس ءَ چینکَڑ ءَ کُرت ئِے۔ پیش سر ءَ آ ڈاکومنٹری تامُر جوڑ کنت ءُ پد ءَ وتی سَرڈَگار اوگانستان ءِ جاوَرھالانی سر ءَ بازیں نبشتانک نبیس ایت۔
آئی اولی نبشتانک (Earth and Ashes) ءِ گِدار اِنت ءُ ایشی سر ءَ گوْنڈیں ڈاکومنٹری تامُرے ھم رھیمی ءَ جُوڑ کُتگ۔
اے گِدار یک ناسَرجَمیں کسّھے کہ ایشی ءِ تہ ءَ یک پیر ءُ کَماشیں مَردے گوں وتی کسان سالیں نُماسَگ ءَ سپَر ءَ انِت دیم پہ مائن ءَ کہ وتی چُک (مراد) ءَ ھمے ھال ءِ سَر کنگ ءَ کہ مئے میتگ سرجم ءَ کبزہ گیر ءَ تباہ کُتگ۔ کَھول ءِ مردمانی توک ءَ پشت کپتگیں مردم ایوک ءَ آئی چُک یاسین اِنت کہ گُوشاں ھم گران اِنت۔
کّسہ ءِ بِندات چُش اے پیم ءَ بیت کہ پیر مرد گوں نُماسگ ءَ کِشک ءِ پَھنات ءَ نِشتگ سواری ءِ ودار ءَ اِنت۔
آ پیر مرد ھَر وھد ءَ کہ نِند ایت گوست آئی ءِ دیم ءَ کیت کہ آئی ءِ چمّانی دیم ءَ مردم سُچگ ءَ اَنت ، پِریاتِ اِنت ، واہءُزاری اِنت ، میتگ ءِ چاریں کُنڈ آس/آچ ءَ مانشانتگ ، زالبول برھنَگ ءَ تچگ ءَ اَنت۔ ءُ من ھچ کُت نہ کُت۔
من وتی زَھگ ءَ چوں اے نہ وشیں ھال ءَ بہ دے آں؟ ءُ جیڑِ ایت کہ من ءَ امُیت اِنت کہ منی چُک من ءَ کُمک کَنت ءُ منی ھم کوپگ بیت۔
آ پیر مرد وتی نُماسگ ءَ نزیک ءُ گور ءَ یک سوداگرے ءِ باھوٹ کنت ءُ دیم پہ مائن (mine) ءَ جنزان بیت۔ آ وھدیکہ سر بیت گڑا یک کاردارے ءَ توار پِر جَنت کہ من مراد ءِ پِت آں مراد ءَ گْوانک بِجَن۔ کاردار پََسّہ دَنت کہ مراد اے وھدی دَزگَٹ اِنت۔ آ ھر وَھد ءَ کہ پارگ/دزگیش بیت تئی کُلوہ ءَ الّم سَر کن آن ئِے۔
آ کاردار وھدے کہ گوں پیر مرد ءَ ھَبر ءَ لَگّیت گُڑا گْوش ایت کہ تئی زھگ مراد اے ھبر ءَ سَرپد اِنت کہ آئی میتگ تَباہ بوتگ ءُ آ ھمے پَھم ایت کہ تو ھم نیست ئے۔
پیر مرد ھیران ءُ ھبّکہ بیت ءُ جیڑ ایت کہ مراد سھی بوتگ کہ آئی ءِ میتگ ،مردم ، سنگت کُلّ کبزھگیر ءَ کُشتگ ءُ دور داتگ اَنت ۔ آ اَنگت ءَ اے جاہ ءَ یل نَہ کنت، آ اَنگت ءَ نِشتگ ءُ وتی دُژمِن ءِ گْور ءَ گلامی کَنگ ءَ اِنت۔ گُڑا پیر مرد چَک ءَ ترّینِ ایت پہ روگ ءَ، کاردار یک رَندے پد ءَ تَوار ئِے کَنت ءُ گُشیت کہ مراد ءَ سرءُسوج کَنگ بَوتگ کہ آئی ءِ کھول ءِ مردم مُجاھدیناں (rebells) کُشتگ اَنت ھمے سوب ءَ مراد نوں سویت ءِ مَنّوگر اِنت۔
گُڑا پیر مرد جِِیڑ ایت کہ جیڑہ اے نہ اِنت کہ مئے مردم دژمن ءَ کُشتگ اَنت مَسترے جیڑہ ایش اِنت کہ منی جِند ءِ چُک، منی ھون مرچی وتی دُژمِن ءِ ھمرھداری ءَ کنگ ءَ اِنت۔
گُڑا پیر مرد ءَ وتی دَست ءِ مشوک ءِ ڈبی کاردار ءَ دات ءُ گوْشت ئِے کہ اشی ءَ اَلّم ءَ مراد ءِ دَست ءَ بدے۔ اے ڈبی ءَ مراد اَلّم دُرست کَنت ءُ سَرپد بیت کہ آئی ءِ کمَاش زِندگ اِنت۔
پیر مرد واتر وتی راہ ءَ رَھادگ بیت ءُ جِِیڑ ایت کہ اَگاں مراد ڈبی ءِ دَست گِرگ ءَ پَد وتی پِت ءَ زُور ایت گُڑا مراد منی چُک اِنت اگا نہ گُڑا مَن ءَ مراد نامیں چُک نِیست۔
کِسّہ چَہ ھمدا آسَر بیت۔
اے گِدار اوگانستان ءِ ھما جاوَرھالانی سَر ءَ نِبشتہ کُتگ وھدے سویت اوگانستان ءِ سَر ءَ زورگِیری کَنت ۔ آئی ءِ مولءُمُراد ایش بیت کہ نوک جوڑ بوتگیں کمیونسٹ رجیم گیش ءَ چہ گیش دیمروئی بہ کَنت ءُ مجاھدیناں ھم اوگان ھکومت ءِ ھلاپ بہ کَنت۔اے وھدی کبزہ گیر سَک زور ءَ بِیت ءُ آ اوگانستان ءَ سَرجَم ءَ کبزہ کَنت ءُ وتی شوربندیاں اِیرمُوش (مُصلّت) کَنت ءُانٹی کمیونسٹاں جَنت ءُ ھتم کَنت۔
بلوچ اسٹوڈنٹس ایکشن کمیٹی
