داجل ڈیرہ غازی خان ءَ بلوچ لٹریسی کیمپئین ءِ مراگشے برجم دارگ بیثہ۔

داجل ڈیرہ غازی خان ءَ بلوچ لٹریسی کیمپئین ءِ مراگشے برجم دارگ بیثہ۔

بلوچ اسٹوڈنٹس ایکشن کمیٹی

بلوچ اسٹوڈنٹس ایکشن کمیٹی ڈیرہ غازی خان ہنکینءِ پلواشہ بلوچ لٹریسی کمپین ءِ انٹر یکنو سیشن ماڈل ولیج داجل ءَ برجم دارگ بیثہ۔دیوان ءِ مہمان ھاس زونل کمک کارمستر راز بلوچ اَت۔
دیوان ءِ سیگمنٹ۔
بلوچ لٹریسی کمپئین ءِ پجار، مول ءُ مراد ءُ کارانی سرا تران
ڈیرہ غازی خان ءِ تعلیمی نظام ءُ تعلیمی اداراھانی فعالیت سرا تران
اسٹیج ڈرامہ
ٹیبلو
شئیر ءُ شاعری دیوان
دیوان ءِ بندات شے راجی سوت ءَ کنغ بیثہ۔ راجی سوت ءَ پد اولی سیگمنٹ بلوچ لٹریسی کمپین ءِ سرا تران ات۔ اے سرھال سرا زونل وائس پریزیڈنٹ سنگت راز بلوچ ءَ گالوار کسا۔ سنگت گالوار کنانءَ گشت کہ بلوچ لٹریسی کمپین گل پلوا شے ھما فیصلہ اِنت کہ وتی دومی فیز ءَ جنزگ اِنت، بلوچ لٹریسی کمپین بلوچ علاقہ و دمگاں تعلیمی نظام ءِ بد ھالی و اداراھانی جیڑہ و جنجالی سرا عملی کامگیج انت کہ بلوچ میتگانی توک ءَ لٹریسی ریٹ ءِ بڑز برگ اداراھانی فعالیت واستہ سوشل میڈیا کمپین، پبلک لائبریری انی گہتر کنگ، وانگ ءِ واستہ ورناھاں سوج دیگ اوار اَنت۔ دنیا ءَ ھمک قوم ءَ کہ ایر دستی ءِ زیند گوازنگ ایں یا ایر دست کنگ بیتگ آھانی وانگ ءِ نظام زور دست ءَ سرجم ءَ ھلاس کتگ و وتی مفادانی واستہ کالونیل ایجوکیشن سسٹم ءِ رائج کتگ کہ ایر دستیں راج سرا وتی کلچر، دود و ربیدگ و ھیالاں مشیت و آھانی انسانی بستار ءَ ھلاس بہ کنت و وتی لٹ و پل ءَ گوں مھکمی ءَ برجم داریت۔ ھمے وڑا اغاں ما گندیں گڑا بلوچستان ءِ سرجم ایں وانگ ءِ نظام تباہ و بد ھال انت۔
دنیا ءِ نیام ءَ اے کمپین کلاں شہ پیش برازیل ءَ ماہرِ علم پالو فرارے ءَ برازیلین لٹریسی کمپین ءِ نام ءَ شے بندات کسا۔ فرارے ءِ مقصد برازیل نیامءَ علم ءِ اهمیت ءُ ارزشت ءُ وتی راج نیاما علم ءِ شوق پیدا کنغ بیثہ
دنیا نیاما دومی جاگہ کیوبا نیاما لٹریسی کمپین ءِ بندات کیوبا انقلابءَ شے پد بیت کیوبن لٹریسی کمپین ءِ نام ءَ زانگ بیت۔
ہمے رازا بساک ءِ دومی کونسل‌ سیشن سال 2021 ءَ پد بلوچ لٹریسی کمپین ءِ بندات کنغ بیسا۔ بلوچ لٹریسی کمپین سئے فیزانی توکءَ اَنت۔
دمگاں ءُ علاقانی سروے
سوشل میڈیا کمپین
انٹریٹکو سیشن
اے کمپین گوں سنگتانی مھکمیں جھد ءَ جوائیں وڑے ءَ دیم روی کنگ انت بلوچستان ءِ کنڈ کنڈ ءَ انٹرایکٹو سیشن، سیمنار، مزنیں مراگش ءُ ایجوکیشنل فیسٹیول اڈ دیگ بوھگ انت۔
سنگتءَ دیمءَ گالوار کنان ءَ گشت۔
ہمے سئے ئیں فیزانی نیامءَ اولی دو فیز سرجم بیسغا، اے نی سیمی فیز ءِ بندات‌ انت انٹر ایکنو سیشن بزاں سرپدی دیوان برجم انت۔
دومی سیگمنٹ اسٹیج ڈرامہ ات۔ ڈرامہ ءِ تھیم علاقہ انی توک ءَ وانگ جاھانی بندش ءُ سرکار ءُ سرکاری آفیسرانی رویہ سرا ات کہ چوں بلوچ ورنا شہ وانگ ءَ دیر دارگ بوہگ انت۔
سیمی سیگمنٹ ڈیرہ غازی خان ءِ تعلیمی نظام ءُ تعلیمی اداراھانی فعالیت سرا تران اَت کہ دیوان دیمءَ استاد موسی وتی ھیال ایر کتگ انت۔ استاد ءَ ٹوک کنان ءَ گوشت کہ ٹرائیبل ایریا ءَ جنکانی واستہ پرائمری سکول نیست انت ھمے واستہ شہراں نیشتگ ایت مڑدم سرکاری سکول ءَ شے گیش پرائیوٹ سکول و اکیڈمی آں وانگ واستہ روان دیاں. پیلویں ٹرائیبل ایریا ءِ علاقہ آں جنکانی واستہ یک ھائی سکول نیست انت کہ جنک شے وانگ ءَ دیر انت دومی مستریں وجہ وانگ ءَ دیر بوہگ ءِ غربت ایں راہانی نہ بوھگ ایں کہ ورنا گیش وانگ ءَ یل دیگ ءُ شوانکی ءِ زیند گوازنگ سرا لاچار و مجبور انت ایشے مزیں ھرابی ایش انت کہ 80 درسد ورنا شے وانگ ءَ بے سوب انت
یک دیگہ رپورٹ ءِ ردا ڈیرہ غازی خان ءَ لٹریسی ریٹ شے اندازہ ھم سک باز کم انت باز کم ورنا میٹرک کت کنا و میٹرک ءَ دیما وانگ یل دیاں
بازیں ات رازیں جگہ ھم است انت کہ اودا اسکول ءِ جند نیست انت کہ آھانی نیاما ماڑی، چتری، رند گل، توخ، فورٹ منرو، روجان مزاری ءِ بازیں دمگ ھوار انت
تمن کھوسہ ءِ دمگ زندہ پیر، کوٹ مبارک و باقی تمنانی علاقہ بزاں جھنڈی ماڑی سر، بیہو، لری ، ستہ، منجھیل 3 بازیں دیگہ دمگ است انت کہ اسکول ءِ جند نیست انت یا سرجم ءَ بند انت۔
ٹرائیبل ھندانی توک ءَ جنینانی واستہ ایوکءَ 2 مڈل اسکول انت کہ آں چہ وتی بنداتی روشاں بند انت و ایشانی بلڈنگ مال ءُ پسانی واستہ کار مرز کنگ بوھگ انت۔ گڑا مئے سرا فرض ایں لٹریسی ریٹ واستہ کار بہ کنیں وتی ورناھاں و عوام ءَ سرپدی و سوج دیگ ءِ سرا جنزان بہ ایں۔
چارمی سیگمنٹ ٹیبلو ات کہ سنگتاں وتی تیار کتگ انت ٹیبلو پیش داشتگ ءُ دیمی سیگمنٹ شئیر ءُ شاعری ءِ دیوان ات کہ سنگتاں شعر گوشتگ انت۔
دیوان ءِ گڈ سرءَ گل پلوا شے چاپ ءُ شنگ کتگ ایں بلوچ لٹریسی کمپین ءِ بک لٹ استاد موسی ءَ تحفہ پیش کنگ بیثہ ءُ دیوان ھلاسی ءِ جار پرینگ بیثہ۔