ربیدگی گہگیری ءِ دروشم

ربیدگی گہگیری ءِ دروشم
نبشتہ کار: عائشہ بلوچ

یک راجے ھما وھد ءَ زندگ بوت کنت وھدے راجءِ دودءُ ربیدگ  پاھازگ بہ بنت۔ دود ءُ ربیدگءِ است مانگ ءُ آئیءِ پاھازگ راجءِ پادار بوگ ءُ مانگ اِنت۔ پرچا کہ دود ءُ ربیدگ  تہنا  گورءِ پوشاک، سرءِ پاگ ءُ گُشان نہ اَنت۔ دود ءُ ربیدگ بلوچ راجءِ راجدوستیءِ چیدگ انت ءُ بلوچءِ لیکہءِ مزنیں بہر انت۔ بلوچءِ زبان، بندپتر، راجدوستی دود ءُ ربیدگءَ گوں بندوک انت۔دود ءُ ربیدگ یک راجےءِ ابرمی مادن ءُ مڈی انت۔ زوراک انچو یک راجےءِ ابرمی مادن ءُ مڈیاں  لٹ ءُ پُل کنت ھمے ڈولءَ راجءِ دود ءُ ربیدگءَ ہم لٹ ءُ پُل کنت۔ مرچی لاطینی امریکہءَ گیش مردم اسپینی زبانءَ گپ کن انت پرچا کہ اودءَ زبان لگتمال کنگ بوتگ۔ انچوشکہ گوگی دو جتائیں شون دنت۔ یکے ایش انت کہ زوراک وتی کالونیءِ تہءَ ھندی مردمانی نام بندگءِ رھبندءَ بدل کنت انچوشکہ مئے گورءَ ما اربی نام وتی چکاں پر کن ایں ءُ دومی زبانءَ پادمال کن اِیں، انچوشکہ مئے گورءَ بلوچی زبانءِ بدلءَ اربی، اردو ءُ انگریزی وانینگ بنت۔
دلگوش: سرجمیں نبشتانک جہل ءِ پی ڈی ایف ءَ ایر اِنت۔